AAP hotu zinga pakhat chuan sorkarna siam leh turin an inring tawk tih a sawi a, thawh hona awm tur anga thuthang awm chu thu dik lo a ni a ti. AAP hi kum 2012-a din a ni a, an hruaitu Arvind Kejriwal-a hovin kum 15 rorel tawh Congress party chu kum 2013 khan an paih thla a. 2013 inthlanah khan Congress party chuan vote zaa 24.55 an hmuh laiin BJP chuan zaa 33.07 an hmu a, AAP hian zaa 29.49 an hmu a ni. Kha inthlana seat la tam ber BJP chuan seat 31 la in anmahniin sorkarna an siam phak lo a, AAP leh Congress \angdunin sorkarna an din a, ni 49 hnuah a tlu leh a, 2015 Assembly inthlanah khan AAP hian seat 70 awmah seat 67 lain an vote hmuh chu zaa 54.34 ah a kai chho a, BJP chuan zaa 32.19 an hmuh laiin Congress chuan zaa 9.65 chauh an hmu phak a, BJP hian seat 3 lain congress chuan seat pakhatmah an la phak lo a ni.
Delhi Assembly inthlanpui neih turah hian February ni 8-a vote tla te chu ni 11 ah chhiar nghal tur a ni.
