Delhi AAP member hlui, Yogendra Yadav-a laina hnaite din damdawiin dap a nih chungchangah Delhi CM Arvind Kejriwal a lungawi lo hle

0
350
views

Kejriwal chuan PM Narendra Modi-a kaihhruai sorkar chet dan chu mawi lo a tih thu uar takin a sawi a, Income Tax Department kaltlangin an mi ngaihtheih loh zawngte lakah phuba lak an tum niin a sawi bawk a ni. Nilaini khan Yogendra Yadav chuan a unaunu-in Haryana-a damdawiin a din Income Tax Department-in an dap thu leh tunhnaia loneitute lungawilo a thlawp vanga sorkar thuneitute’n a chunga phuba an lak tumna niin a lo sawi tawh bawk a ni. Damdawiin dap a nih hian Income Tax Department mi te hian a unaunu bakah doctor leh hnathawk dangte pawh an hreng niin Yadav hian a sawi a ni. Icome Tax thuneitute chuan he damdawiin neitute zing ami, Yadav-a tupa, Gautam Yadav chuan rangkachak cheng nuai 6 man a lei thu leh pawisa fai cheng nuai 3.25 a pek thu an hriatruk vanga chhui an nih thu an sawi ve thung a, rangkachak hi tunhnaia sawi hlawh tak, thuneitute’n man tuma an veh mek, Nirav Modi-a company hnen a\anga a lei a nih thu an sawi bawk a ni.