Press Trust of India tarlan danin Arvind Kejriwal hian coronavirus a kai leh kai loh enfiah a ni dawn a, a damloh chhan a chian hma chu meeting a neih zawng zawng pawh a \hulh vek a ni.
Pathianni khan Kejriwal hian Delhi-a coronavirus kaite enkawl nan damdawi in khum zuah dan tur thar a puang a, he thu a puan lai hian hmaituamna a hmang a ni. Kejriwal chuan coronavirus kai damlo emaw rinhlelh emawte tan Delhi sorkar enkawl damdawi in leh private damdawi in te chu Delhi mi leh sate tan dah a ni dawn tih a puang a, ramri pawh hawn \an a ni ang tih a puang bawk.
Delhi-ah hian Covid-19 kai mi 27,600 an awm tawh a ni.
Hetihlai hian Telugu Television channel-a thawk thuthar thehdarhtu, kum 33 mi chu Hyderabad-a Gandhi Hospital-ah Covid-19 vangin a thi a, damdawi ina dahluh anih hma hian Pneumonia type I leh Acute Respiratory Disease Syndrome natna vangin a damlo tawh niin doctor te chuan an sawi.
