Amit Shah chuan AAP sorkar-in zirlaite himna atana zirna ina CCTV an dah chungchang chu na takin a sawisel a, free Wifi hman tur a dah te pawh a hman ve theih loh thu a sawi bawk. Hemi hnu hian free Wifi a hman theih loh chhan chu a phone battery a low vang tih finfiah a ni.
Union Home Minister thusawi chu chhangletin Delhi CM chuan free Wifi hman theihna hmunah te hian a thlawna mobile phone charge theihna an dah tel thu Amit Shah chu hrilhin, sorkarin electric unit 200 thleng Delhi khawpuiah a thlawna a hman vek theih tura a duan vangin free wifi awmna hmuna phone charge man pawh a chawi a ngaih loh thu Home minister hi a hrilh bawk.
Amit Shah chuan CCTV camera 1,041 sorkar school-a dah tura tih chu tlem te chauh an dah vangin sorkar chu mipui vantlang bumah a puh a, Kejriwal chuan BJP leh Amit Shah ten CCTV \henkhat chauh an lo hmu chu lawmawm a tih thu sawiin, Delhi mipuiten politics kalphung an thlak chu thil lawmawm tak a ni a ti bawk.
Thla thar, February ni 8-ah Delhi Assembly inthlanna hi neih a ni dawn a, kum 2015 inthlannaah khan AAP chuan seat 70-ah seat 67 la-in sorkarna an siam a ni.
