Delhi Deputy Chief Minister, Manish Sisodia-a’n central ngaihdanah chuan Delhi-ah coronavirus chu khawtlanga inkai darh a la ni lo tih a sawi.

0
89
views

Delhi Health Minister, Satyendra Jain chuan Delhi-a coronavirus kai zinga a chanve vel chuan khawi a\anga an kai nge tih an hre thei lo niin a sawi a, hri kaiin khawi a\anga a kai nge tih a hriat theih loh chuan khawtlangah a \aidarh tihna a ni a ti a. AIIMS Director Randeep Guleria chuan Delhi khawpuiah coronavirus chu khawtlangah a \aidarh tawh a, amaherawhchu, sorkar laipuiin a pawmpui lo tih a sawi a, hemi avang hian khawtlanga a \aidarh thu hi an puang thei lo va, sorkar laipuiin a puan a \ul a ni a ti a, community spread chu technical term a ni a, sorkar laipuiin a pawm leh pawm lohah an innghat tih a sawi bawk.

Deputy Chief Minister, Manish Sisodia chuan Delhi-ah Covid-19 kai mi sing thum dawn an awm tawh a, nitin hri kai an pun belh zel avangin July ni 31-ah chuan mi nuai 5 leh sing 5 vel hri kai an awm rin thu a sawi bawk.