Silai chelektu nia rinhlelh mi pahnih zinga pakhat chuan jacket sen ha-in scooter a khalh a, Gate No.5 zawn a thlenin a silai chu a hmet puak a, mi kah hliam erawh a nei lo nia sawi a ni.
Police te chuan Shaheen Bagh a\anga km 2 vel a\angin university gate lam hawiin silai chu a hmetpuak niin an sawi a, helai hmun hi CAA dodaltute inkulhna hmun a ni.
Police officer, Jagdish Yadav chuan silai hmetpuaktute chetdan chu chhui a ni ang a, man chhuah an nih hunah na taka hrem an ni ang a ti.
Hetihlai hian Inrinnia-a Shaheen Bagh-a lungawilohna lantirnaa silai hmetpuaktu, Kapil Gujjar chu Delhi Court-in Police te khuahkhirhna hnuaia ni 2 chhung awm rih turin thupek a chhuah a, Additional Chief Metropolitan Magistrate Vijeta Singh Rawat-a hnenah hruai a ni.
