Supreme Court hian boruak bawlhhlawh dan zirchiang tura a ruat, EPCA in report a thehluh chu Supreme Court hian a ngaihtuah a, Environment Pollution (Prevention and Control) Authority, EPCA hian a report ah hian Delhi chhehvela State sorkar te chu bawlhhlawh hal ti tawp tur te, thil siamna hmun a\anga boruak bawlhhlawh ti chhuak tlem turte leh hnathawhna hmun a\anga boruak bawlhhlawh ti chhuak tlem tura hmala turin rawtna a siam a ni. EPCA report hi Justice Arun Mishra kaihhruaiin thlirho a ni a, report ah hian Delhi ah hian boruak bawlhhlawh dan chu 2010 a\ang khan a ziaawm chho hret hret nain, ram pum huapa pawm theih chin thleng tur chuan zaa 65 vela tih hniam belh leh a la ngai tih tarlan a ni.
Hetihlai hian boruak bawlhhlawh nasa lutuk ti ziaawm tur hian Delhi Sorkar chuan motor registration number kawpkim leh kawp kim lo te a intlan chhawk tir \an a, Chief Minister Arvin Kejriwal chuan a ni khatnaah lirthei nuai 15 vel an ding tih a sawi. Lirthei intlan chhawkna dan thar Delhi sorkarin a hman hi bawhchhia an awm chuan cheng sang 4 chawitira hrem tur a ni. Delhi ah hian nitin car nuai 30 vel an an tlan \hin a ni.
