Enforcement Directorate hian P Chidambaram chu dan pangngaia man a nih theih nan dilna an thehlut a, Court chuan duhthlan tur chi hnih kawhhmuhin, court hungchhunga darkar khat leh a chanve vel zawhna zawha chumi hnua an man theihna tur dil leh turin a ti a, chumi a nih loh vek chuan Tihar tan ina thawna chuta \anga man tur chuan a ti bawk a, Tihar tan in a\anga man chu an thlang ta zawk a ni.
P Chidambaram hi INX media sum tih chingpen thubuaiah man a ni a, Tihar tan inah September ni 5 khan dah a ni.
Enforcement Directorate-in thu an zawhfiah lai hian a nupui Nalini leh a fapa Karti te pawh amah kan turin Tihar Jail hi an pan a, Karti chuan a pa chunga thil thleng chu politics-a inbeihna a ni a ti a, a pa a hmu thei chu lawmawm a tih thu leh a dinhmun pawh a \hat thu a sawi.
