Dera Sacha Sauda hmunpuiah thlan zau tak awm niin sawi, mihring ruhro 600 chuang inphum

0
615
views

Pawngsual thubuai avanga lung ina tang mek, Gurmeet Ram Rahim-a kaihhruai sakhaw pawl, Dera Sacha Sauda hmunpui chhui chianna kal zelah, Special Investigation Team-in he pawl vice-president, Dr PR Nain leh Dera hruaitu pakhat, Vipassana Insan thu a zawh fiahna a\angin Haryana-a Sirsa khawpuia he pawl hmunpuiah hian thlan zau tak a awm tih hriat a ni tawh nia sawi a ni a, he thlanah hian mihring ruhro 600 chuang a inphum niin Zee News-in a sawi. Dera hnungzuitute erawh chuan hei hi an pawl hotu, Ram Rahim-an mitthiten vanram an kai theih nana a ruahmanah an ngai a ni. Haryana-a thuthar lakhawmtu hlui, Ramanand Tatia-a chuan he pawl hmunpui hi dap chhuaha, endik chu ni se, ruhro tam tak an chhar a rin thu a sawi a, hei hian chin hriat loha awm, mi 500 chuangte bo chhan a tifiah thei dawn niin a sawi bawk.