Walt Disney Co chuan California leh Florida a an theme park te leh Paris a an resort te chu tun kartawp atanga tun thla tawp thleng khawvel pumpui a coronavirus leng mek avangin an khar dawn tih an puang a ni.
Disney Cruise Line te chuan tun inrinni atanga tun thla tawp thleng lawng-a zin chhuah an ti tawp rih dawn bawk a. Disney company chuan Disneyland leh California Adventure theme parks te chu inrinni atangin an khar dawn tih an lo puang tawh bawk ani.
Walt Disney World leh Disneyland Paris a hotel te chu thu leh awm hma chu hawn chhunzawm an la ni thung ang.
Hong Kong, Shanghai leh Tokyo a Disney theme park te chu coronavirus darh vangin kumin kum tir atang khan khar an lo ni tawh bawk a ni.
