Diwali lawmna halpuah leh halmawi hal nasat avangin Delhi-ah chhum a zing nasa

0
346
views

Hindu hun pawimawh, Diwali lawmna halpuah leh halmawi hal nasat avangin Delhi-ah chhum a zing nasa hle a, boruak thianghlim zawng tehna-ah pawh mihring tana hlauhawm chin a kawk a ni. Supreme Court-in Delhi-ah hian halpuah leh halmawi zawrh leh hralh khap mah se, nizan dar 7 a\ang khan boruak thianghlim zawng tehna hi nasa takin a danglam \an a, chuap leh thisena lut thei, boruaka thil nawi lêng, PM2.5 leh PM10 an tih chu a him chin nia ngaih let sawm laiin a tam tih System of Air Quality and Weather Forecasting and Reasearch chuan a sawi. SAFAR hotute chuan Delhi bakah hian Gurugram, Noida leh Ghaziabad-ah te pawh boruak hi a thianghlim tawk lo hle na-in, boruaka thil nawi lêng hi thliin a put darh thuai an beisei thu an sawi a, boruak thianghlimna a tlakhniam belh erawh chuan, mi hrisel \ha pangngai tan pawh, khawlaia kal a hlauhawm thei dawn niin an sawi a ni.