DMK-te’n CMB din phutin total bandh huaihawt

Cauvery lui tui insem chungchanga thuneitu sang, Management Board la din a nih loh vangin, Tamil Nadu-ah DMK party kaihhruaiin eptu party-te’n total bandh an huaihawt. Puan tawh angin Cauvery Management Board din tur hian SC chuan sorkar laipui a lo hrilh tawh na in, Karnataka state assembly inthlan a awm dawn avangin, sorkar laipui lam chuan thla thum chhung hun pek belh turin a dil leh a, hei hi AIADMK leh DMK-te chuan an duh lo hle a, AIADMK lam hian Thawhlehni khan chaw ngheiin an lungawilohna an lo lan tir tawh bawk a ni. DMK leh eptu lam party-te hi Marina vaukam lam pana an kal laiin an hruaitu ber, MK Stalin chu police-ten an man a, an innawr buai zui avangin, police \hahnem tak tirh luh belh an ni bawk. Stalin chuan sorkar laipuiin Karnataka Assembly inthlanah a dinhmun sawh ngheh a duh vang chauhin Management Board hi a din lo nia a hriat thu leh, tun thla ni 15-a PM Narendra Modi leh Cabinet Minister dangte’n an state an tlawh hunah pawh flag dum nen lo hmuah an tum thu a sawi.