Doctor zir chhuak hlimte kum thum tal thingtlang lama thawk ngei ngei tura tih chungchangah Calcutta High Court-in West Bengal sorkar na takin a khak.
Justice IP Mukerji chuan he kalphung hi titawp tura state sorkar hriattir a ni tawh chung pawha tun thlenga la chhunzawm a ni chu Court zah lohna lian tak a ni a ti a, tun thla ni 20 hma ngeia insawifiah turin State Principal Secretary for Health a hriattir bawk a ni. West Bengal sorkar hian Doctor zirchhuak hlim reng reng thingtlangah a thawh tir \hin a, thingtlanga an thawk duh lo anih chuan kum thum chhungin cheng nuai 30 a chawi tir \hin a, Justice Mukerji hian kum 2017 November thla khan state sorkar thiltih dan hi ram danpui kalh niin a lo sawi tawh a ni.
