He bill Muslim hmeichhiate tawrhna thleng \hin tinep tura duan he dan hi eptu pawlten an dodal a, Law Minister Ravi Shankar Prasad chuan he dan hi hmeichhia leh mipa te intluktlanna tur leh hmeichhia zahawmna leh an dikna humhalh sakna tur a ni a ti a, politics khelh nana hmang lo turin eptu pawlte a ngen a ni. He dan hnuaiah hian Muslim mipa ten an nupuite thawklehkhata an \hen theihna chu a nuaibo ang a, chutianga nupui \hen luite chu he dan hmang hian hrem theih an ni dawn a ni.
Sorkar lai BJP chuan MLA te chu Triple Talaq Bill vote tura house-a awm turin a hriattir a, Congress Chief Whip, K Suresh chuan tuna bill duan chu a nih ang anga pass anih chuan Muslim mipaten an tuar thei dawn a ni a ti thung a, congress chuan triple talaq avanga hremna pek theih chu police ten an hman sual theih dawn avangin hremna kentel tir chu an duh lo tih an sawi.
Andra Pradesh-a YSR Congress te pawhin Triple Talaq Bill hi dodal zel an tum tih an sawi a, BJP \anrualpui JDU pawh dodaltute zingah a tel a ni. Tun \uma Rajya Sabha-a triple talaq bill put luh chu BJP leh Telangana Rashtra Samithi te chuan an thlawp tih an sawi.
