Donald Trump-a kaihhruai US sorkar-in Islamic Revoluntary Guard te chu mifirfiak pawla chhal a tum thu a puang a, hei vang hian Iran chuan US Army blacklist-ah a vau let bawk.

0
488
views

Islamic Revolutionary Guard hi kum 1979-a khan sorkar hnathawkte venghim tura din a ni a, Iran ram chhungah hian thuneihna sang tak an nei tawh a, an pawl-a an unit chhuan ber Quds Force chuan Iran nena lam \ang pawl, Syria President Bashar al-Assad leh Lebanon hel pawl Hezbollah te a \awiawm \hin a ni.

Trump-a sorkar hian Iran chungah hian hrekna engemaw zat a lo lek tawh a, thawh\anni hian Revolutionary Guard-te hi mifirfiak pawlah chhal a tum thu a sawi leh a, an kal tlangpui a nih chuan United States hian Iran sipai hmalak te hi pawikhawihna emaw thil hlauhawmah a chhal zel dawn a, Iran parliament national security committee hotu Heshmatollah Falahatpisheh chuan Washington hian Revolutionary Guard te mifirfiakah a chhal a nih chuan Iran hian US military chu pawl hlauhawmah chhalin, Islamic State dawtah blacklistah a telh ve tur thu a sawi a ni.