Dr. Anthony Fauci-a’n US-in inkharkhip an tih tawp hma lutuk chuan, a aia nasa-in coronavirus a darh thei tih US senator te a hrilh.

0
37
views

Dr. Fauci chuan federal guidelines an zawm \hat loh chuan thil te reuh te anga lang chu a \aidarh vak thei a ni a ti a, US-a hrileng thihpui zat dik tak chu official-a chhinchhiah tawh mi 80,000 aiin an tam zawk a ni a ti bawk. Hri a \aidarh chuan thuneituten an khuahkhirh leh thei si lo anga, economy siam \hatna kawngah harsatna a thlen anga, thihna leh tawrhna nasa zawk a thlen a hlauhawm tih Dr. Fauci chuan a sawi bawk.

Dr. Fauci-a thusawi hi President Donald Trump-an economy a ngaia kal tir leh a tumna nen a inkalh hle a ni.

Dr. Fauci hian video hmanga Republican kaihhruai US Senate \hutkhawmah he thu hi a sawi a, a thusawi hi White House-in ruahmanna a lo siam tawh ‘Opening Up America Again’ tih a chhanletna a ni.

State engemawzat economy hawn \an leh tawhnaah chuan hri kai hian kiam lam aiin tam lam a la pan zel zawk a, White House chuan inkharkhip hlih hnua inkaihhruai dan ti chhuak tawh mahse, inkharkhip thlahdul dan tur chu state governor te kutah a dah a ni.

Dr. Fauci chuan vaccine tam tak siam mek ni mahse, a hmantlak ngei ngei ang tih a sawi theih loh a, virus dang a lo zir chian tawhte atanga chhutin fimkhur tak chungin beiseina erawh a nei tih a sawi.