Heng mite hian ram chhung hmun hrang hrangah kawngpui an dang ping a, Police officer 50 te an hreng bawk a ni. Ecuador President, Lenin Moreno chuan subsidy chu a hma ami anga kalpui leh a tum loh thu a sawi a, thla hnih chhung Ecaudor ram pumah emergency a puang bawk a ni.
Lungawi lohna lantirna hi transport union buatsaih a ni a, Nilaini khian pawl dangten ram pumah nawrh huaihawt an tum bawk.
Ecuador mipuite chuan tuialhthei man tlawm zawka an lei theihna tihtawp a nih vangin thildang man pawh a san phah nasa niin an sawi. Sorkar thupuangtu sawi danin eitur man tihsan a nih vangin mi 20 vel man an ni a, vaimim, carrot leh alu man te chu a sang uchuak niin thuneitute chuan an sawi a, thil zawrh man to lutuk chu enliam theih a ni lo tih Interior Minister, Maria Romo chuan a sawi.
