Eid puala Taliban ten ni 3 chhung sipaite nena inkahhai an puan chuan lawm a hlawh hle chungin pawhsei a ni dawn lo

0
479
views

Eid puala Taliban ten ni 3 chhung sipaite nena inkahhai an puan chuan lawm a hlawh hle chungin pawhsei a ni dawn lo.

Afghanistan-a Taliban te inkahhai puan lai hian Taliban te leh Sipai te hlim taka an inchibai leh an in kuah lai thlakte chu a darh nasa hle a, Afghanistan sorkar chuan inkahhai hi ni 10 chhung a pawhsei thu a puan laiin, Taliban thupuangtu chuan Eid a tawp tak avangin dan pangngaiin indo an puang leh nghal tih a sawi a ni. Inkahhai chhung hian tharum thawha chetna a thleng tho a, Jalalabad khawpuiah thih chilh bomb tihpuah avangin mi 18 an thi a, mi tam tak an hliam bawk. He thil hi eng pawl mahin an tihah an chhal lo a ni. Inrinni khan thih chilh bomb tih puah avangin Taliban leh tualchhung roreltu mi 36 zet an thi bawk a, hei hi chu Islamic State Group in an tih a nih thu an puang thung. Afghanistan President Ashraf Ghani a’n Inrinni khan inkahhai pawtsei tur hian Taliban te hi a ngen a ni.