State chief electoral officer leh special police observer te report an endik hnuah Election Commission chuan inthlanna dik leh zalen kalpui thei turin Tripura-a dan leh thupek kenkawh dan a chak tawk lo a, sorkar laipui a\angin police tam zawk tirh luh phawt a ngai tih a sawi.
Tripura Chief Electoral Officer Sriram Taranikanti chuan April ni 11-a West Tripura-a inthlan buatsaih anih khan thil fel tawk lo tam tak hmuh a nih thu te, district hrang hrang a tlawhnaah leh video a hmuh-ah te Election Commission dan bawhchhiatna a hmuh nual thu a sawi a, heng an thil hmuh te hi Election Commission hnenah a report thu leh April ni 23 hian inthlanna tluang taka neih anih theih nan dan leh thupek kenkawh \hat a nih an beisei thu a sawi.
Tripura Congress president Pradyot Kishore Debburman chuan Election Commission thurel dan chu a pawm thu leh All India Congress Committee chuan April ni 11-a inthlan kalpui dan chungchangah Election Commission hnenah an zualko tawh thu a sawi.
