England-a cheng mipuite chu an chenna in pawn lamah meter 2 dan zela awmin midangte nen an inkawm thei tih UK sorkarin a sawi.

0
19
views

UK Foreign Secretary, Dominic Raab chuan meter 2 dana inkawm sorkarin phal mahse, an chhia leh \ha hriatna hmang thiam turin mipuite chu a ngen a ni.

Hetihlai hian Prime Minister Boris Johnson chuan an ram khawsak zel dan turah ruahmanna dang kalpui a ni tih a puang a, England chu inkharkhipna a\anga a zalen vat theih nan hma a la tih a sawi.

Scotland leh Wales te chuan ruahmanna thar hi an pawm lo thung a, Labour party mi Sir Keir Starmer chuan Prime Minister ruahmanna chu sawiselin thil finfiahna a tlachham hle a ni a ti.

Nimin, Pathianni khan Boris Johnson hian thil siam chhuahna hmun leh in leh thildang satu industry te chu Nilaini a\angin hna an thawk leh thei tawh tih a sawi a, mipuite pawh pawnlama insawizawi an duh chuan hun tiam chhung awm lovin an insawizawi thei tih a puang bawk a ni.

Hetihlai hian London Mayor Sadiq Khan chuan sorkarin inkharkhip kalphung a thlak hnuah mipuite chu ina tawmim chhunzawm zel tur leh vantlang veivahna lirthei hmante pumpelh turin a chah a ni.