EU hotute hian Brussels-a an \hutkhawmnaah Brexit hi October ni 31 thleng tihkhawtlai an rawt a, he rawtna hi Britsh Prime Minister Theresa May chuan a pawm a, UK chuan a hma thei ang bera EU chhuahsan a tum tur thu a sawi bawk a ni. He rawtna hnuaiah hian Britain hian inremna an siam fel theih veleh EU an chhuahsan thei dawn a, May ni 22 hnuah an la chhuahsan lo a nih erawh chuan EU inthlan-ah an tel ve a ngai dawn a ni.
Ruahman dan hmasaah kha chuan Briatain hi Zirtawpni hian EU chhuahsan tawh tur an ni a, mahse inremna an siamfel theih loh avangin sum leh pai lamah harsatna nasa tak tawk thei an ni a, EU hotute chuan Britain hian hun khirh tak an tawh loh nan he rawtna hi an siam a ni.
