European Union a chhuahsan hi EU chhuahsan duhtu, Brexiteers te chuan London Parliament Square-ah an lawm a, hetihlai hian EU chhuahsan duh lo te erawh Scotland-ah bati chhi-in an tlaivar a ni.
UK-in EU a chhuahsan hma lawk hian Prime Minister, Boris Johnson chuan EU an chhuahsan tur chu mi tam tak tan chuan thil mak leh beiseina siamtu a ni ang a, thil thleng thei ngai lo tura ngai pawh an awm ang tih sawiin, mi \henkhat chuan ch^nnaah te pawh an ngai thei a, politics-ah chuan inhnialna hi a reh ngai dawn lova, chuvang chuan mi hrang hrang ngaihdan chu a hriatthiam thu a sawi a, an ram lungrual taka kaihhruai leh hmasawnna kawng zawhpui chu a hna a nih thu a sawi bawk.
Boris chuan an ram kal dan chu an chakna leh \hatna te ngaihtuahin a inmil tawh lova, an ram chuan chawisan a phu tawh a ni a ti a, thil pawimawh ber chu tun hun hi tawpna ni lovin bul \anna a ni tih hre reng turin mipuite a chah bawk a ni.
UK-in EU a chhuahsan tur lawmin Brexit party te chu pub leh vantlang hmunah te huaihawt a ni a, Parliament Square-ah pawh mipui \hahnem tak an pungkhawm a ni.
