FBI Director hlui James Comey a’n Donald Trump chu rilru lamah President nih tling lo niin a sawi

FBI Director hlui James Comey a’n Donald Trump chu rilru lamah President nih tling lo niin a sawi a, hmeichhiate laka a rilru put hmang pawh a dik lo niin a sawi. Nikuma President in a ban hnua TV interview a neih hmasak berah he thu hi Comey hian a sawi a, ABC News zawhna chhangin President Doland Trump chu hniak phawi hauh lova dawt sawi mai \hin a nih thu leh rorelna dik kenkawhna kawng daltu ni thei a hriat thu a sawi. Interview tih chhuah a nih hma hian President chuan Comey hian dawt tam tak a sawi niin a lo sawi khalh thung. ABC News interview ah hian Comey chuan a hriselna kawngah leh a rilru put hmangah Trump hian President nih a tlin lo nia a ngaih thua sawi a, President hian America ram kalphung leh inawpna dan nghet tak te a zawm tur a nih laiin chu chu a ti hlawhtling zo lo a ni a ti.