Finland leh Russia ramah chem hmanga in pawng beihna thleng

0
692
views

Finland ram khawpui, Helsinki laili, Turku Market Square-ah mi pakhatin chem lekin mi a pawng beih a, mi pahnih a thah hnuah, police te’n an kap hliam a, a thurualpui nia rinhlelh, mi panga nen hren mek an ni. Policte chuan an mi mante hi pawi khawihtu nen hian an inbe thin ngei tih an hriat tawh thu leh, he pawi khawihnaah hian an tel leh tel loh an la chhui tur thu an sawi a, pawi khawihtu hi ram dang mi a nih thu leh, silaia an kah hliam avang hian thu zawh fiah theih a la nih loh thu an sawi.

Russia rama Surgut khua-ah pawh mi pakhat, chemte kengin vawiin khan kawnga mi kal a pawng beih a, mi 8 a vit hliam a, pawi khawihtu hi police te’n an kap hlum. Thuneitute chuan he thil thleng chungchang hi chiang zawka an la chhui tur thu an sawi a ni. He thil thlen hi an sanaa chawhma dar 11:20 kha a ni a, India sana-ah chuan chawhma dar 11:50 kha a ni tih Russia Investigative Committee-in a sawi. He thil thlenna hi Moscow hmarchhak lam km. 2,100 vela hla, tuialhthei tamna, Khanty-Mansi bialah a ni a, hliamte zinga 2 chu an na zual niin an sawi bawk.