Frankfurt-ah bomb sut thiamten Indopui Pahnihna hun laia mi, bomb hlawhtling takin sut

Germany-a Frankfurt khawpuiah Pathianni khan Indopui pahnihna hun laia mi, bomb lian tak pakhat chu bomb sut thiamten hlawhtling takin an sut a, he thil avang hian bomb awmna hmun bula cheng, mi 60,000 vel chu insawn chhuah lailawk tir an ni. He bomb hi kar kal ta khan insakna hmunah hmuh a ni a, ton 1.4 vela rit, Britain ram ta a ni a, sut a nih dawn avang hian a awmna hmun atanga mel khat biala cheng, tualchhung mite chu an in chhuahsan vek tura tih an ni a, a bula damdawi in pahnih, tar enkawlna, Opera House leh Germany sorkar bank, rangkachak dollar tld 700 hu dah thatna, Bundesbank pawh chhuahsan vek a ni a, bank hi chu police-ten an veng zui a ni. Indopui Pahnihna hun lai khan Britain leh America indo thlawhna-ten Germany-ah hian bomb ton 15,00,000 vel an thlak avangin mi 6,00,000 vel an thi a, sorkar hotute chuan bomb thlak zaa 15 hi chu a tlawlh nia sawiin, a then chu lei hnuai ft 20 vela thukah a awm niin an sawi.