French President Emmanuel Macron a’n US President Donald Trump chu Syria atanga a sipaite la chhuak lo turin a hmin tih sawi

French President Emmanuel Macron a’n US President Donald Trump chu Syria a\anga a sipaite la chhuak lo turin a hmin tih sawiin, US chuan a sipaite a la dah chhunzawm rih dawn tih a sawi. Tun thla tir lam khan Trump hian Syria a\ang hian US chu a in la chhuak thuai dawn tih a lo puang tawh a, Syria sorkar in tur ralthuam a hman avanga Inrinni-a US, UK leh French ram ten Syria hi an beih hnuah Macron hian President Trump chu a sipaite la chhuak rih lo tur hian a ngen a ni. Ram pahnih hotute hi an inpawhtawn \ha hle a, Syria beih a nih hma khan \um tam tak an lo inbe tawh a ni. Macron-a’n hetiang thu a sawi hnu hian White House thupuangtu Sarah Sanders chuan US thil tum chu a la ngai reng a, President chuan US sipaite hi a rang thei ang bera US-a an let leh a duh a ni a ti thung a, hetihrual hian US chuan Islamic State pawl te chu che zui leh tur awm lova hmeh chimih vek a tum tih a sawi tel thung. Syria khaw chhak lam ah Kurdish leh Arab sipai intelkhawm, Syrian Democratic Forces invuahte \anpuiin US sipai 2000 vel tunah hian an la awm mek a ni.