Israel sipai te chuan Gaza a\angin rocket pakhat kahchhuah a ni tih an sawi a, siren a tihrik hnu lawkah Tel Aviv-a Mishmeret-a in pakhat-ah kangmei a chhuak tih police te’n report an dawng a, rocket hian a kap fuh nia hriat a ni. Magen David Adom ambulance te chuan he building luahtu mi 6 te hliam an enkawl mek tih an sawi.
Gaza hi Israel tihchhiat tumtu Hamas Islamist leh hel pawl dangte awmna hmun a ni a, anni hian hetiang ralthuam te hi an kawl \hin nia hriat a ni a, Israel inthlanna April ni 9 neih dawn hnaih tawh tak, boruak a san vanglai takin he beihna hi a thleng a, a titua inchhal an la awm lo a ni. A vawi 5-na atana Prime Minsiter nih chhunzawm tum Israel Prime Minister Benjamin Netanyahu hi US President Donald Trump hmu turin Washington-ah a awm mek a, he thil thleng vang hian a cham chhung pawt tawiin Israel-ah a let leh dawn a ni.
