Germany khawpui, Berlin bula Kristmas bazar, Postsdam lun laiah perek bomb chhar a nih avangin mipui an ralkhel hle a, police-te chuan he bomb hi engtia tihpuah tum nge tih an la hre thei lo tih an sawi a, tak tak a nih leh nih loh pawh an la finfiah lo tih sawiin, hlawhtling taka an sut fel tawh thu leh a chhunga thil awmte an enfiah mek thu an sawi a ni. Nikum Krismas bazar hun lai khan Berlin khawpuiah hian mi firfiak pakhatin mi a lo pawng sut chiam tawh a, truck neitu pakhat a thah hnuah a motor chu ru nghalin, mi 11 lai a su hlum a, police-ten man tuma an zawn laiin Italy police-te chuan an rama Milan khawpuiah an lo kap hlum a ni.
Chanchin Thar Germany-ah perek bomb chhar
