Gorkhaland state thar siam chu a sorkar thuneihna-in a huam lo- West Bengal CM

0
375
views

Gorkhaland state thar siam ngiat avanga Darjeeling-a tiam chin awm loa nawrh huaihawt a nih atanga a ni 77-naah, West Bengal CM, Mamata Banerjee-i’n Kolkata-a Gorkhaland ngiat pawl hruaitute nena an thut khawmnaah Gorkhaland chungchang a sawipui duh lo a, state thar siam chu a sorkar thuneihna-in a huam lo niin a sawi. Gorkha Janmukti Morcha leh pawl dang hruaitute nena an thutkhawm zawhah khan Pi Banerjee-i hian an inbiakna chu a kal tluang hle na a, Gorkhaland chungchangah erawh chuan an thu a la inhmu thei lo nia sawiin, state sorkarin hetiang rawtna hi a tipuitling thei lo niin a sawi a, amaherawhchu mipui rorelna hnuaia an dikna leh chanvo a nih angin, Gorkhaland ngiat zui zel chu a thiang niin a sawi. State sorkar leh Gorkhaland ngiattute hi thla leh ni 12-ah an thu khawm leh dawn a ni.