Gujarat Assembly inthlanah Congress leh Hardik Patel-te thawkdun dawn

0
293
views

Gujarat Assembly inthlan lo awm turah Congress leh Hardik Patel-a kaihhruai, Patidar Anamat Andolan Samiti (PAAS) an thawk dun thei dawn niin a lang ta a, PAAS hian candidate 3 an nei ve ang. Pawl pahnihin thawh dun an tumna hi a tlawlh teuh hle a, Pathianni zana Congress-in a candidate turte a puan 77 zingah BJP-a lungawi lo, PAAS mi, Dhiru Gajera chu a tel loh avangin PAAS hi an lungawi lo a, nimin khan Congress chuan an lo puan tawh pakhat, Praful Togadia chu Gajera hian an thlak leh ta a, Patel hnam tamna, Varchcha biala ding turin an ti ta a ni. Nimin nileng khan Congress leh PAAS hruaitute hian engmah an sawi lo a, PAAS hruaitu, Hardik Patel-a pawh biak pawh theih lohvin a awm a, twitter hmangin a hote chu, Patel mi, martarte zah avang tal pawha inpumkhat tlat turin a fuih a ni. PAAS hian Patel hnam mite tana seat hauh ph<tna thlawptu, Dhiru Gajera hi candidate zinga telh an ph<t tlat a, Congress erawh chuan VHP hruaitu, Pravin Togadia-a laina hnai, Praful Togadia chu dah an duh thung a, Pathianni zanah phei kha chuan Surat khawpuiah Patidar hruaitute leh Congress mite an intibuai a, PAAS hruaitu pakhat, Dinesh Bhambania chuan thinrim takin Gujarat Congress hruaitu, Bharatsinh Solanki-a luhkhung a tum hial nia hriat a ni.