Gujarat RS inthlana Ahmed Patel hneh lo tu Balwantsinh Rajput Court-ah zualko

0
506
views

Gujarat aiawha Rajya Sabha member tur thlanna neih zawh taka Congress hruaitu, Ahmed Patel-a hneh lotu, BJP candidate, Balwantsinh Rajput chuan Election Commission thutlukna sut leh a phut thu, court-ah a thlen. Puan tawh angin kha inthlanah khan Congress MLA pahnihte’n BJP candidate thlawpa vote an thlak chu Election Commission-in a pawm lo a, hei vang hian Ahmed Patel hian chak tura a mamawh zat chiah chiah vote a hmuh phah ta a ni. Balwantsinh-a ngenna hi Thawhtanni hian Gujarat High Court-ah ngaihtuah a ni ang a, he ngenna-ah hian Congress MLA te, Bengaluru-a dah khawm lailawk an ni pawh chu thiltih dan dik lo a nih thu leh Ahmed Patel chu hlemhle taka che niin a sawi bawk a ni. Balwantsinh Rajput hi Congress hruaitu thin, Rajya Sabha member inthlan dawn hnaiha BJP zawm a ni a, BJP chuan Ahmed Patel-a seat chuhpui tur hian an lo ruat nghal a ni.