Pakistan sorkara Interior Ministry chuan Mumbai-a pawi khawihna rapthlak taka mawhphurtu ber pakhata puh, lu man dollar mtd. 10 nei, Hafiz Saeed-a thlawp political party thar chu inthlan a chuh ve khap turin Election Commission a ngen a, he party thar, Milli Muslim League’s (MML) invuah hian Commission hnenah hian inziah luh a dil mek a, hei hi lo hnawl turin tun thla ni 22 khan Pakistan sorkar chu Commission hi a ngen a ni. MML invuah hi Lashkar-e-Taiba mi firfiak pawl nena inzawm nia sawi a ni a, Lashkar-e-Taiba hi kum 2008-a Mumbai-a pawi khawihna, mi 166 thihna thlentu kha nia ngaih a ni. United States chuan Lashkar-e-Taiba dintu, Hafiz Saeed-a lu manah hian US dollar mtd. 10 a dah a, amah hi tunah chuan Jamaat-ud-Dawa pawl hruaitu a ni a, pawn chhuak thei lova hren mek a ni.
Chanchin Thar Hafiz Saeed-a thlawp political party thar inthlan chuh khap turin ngen
