Hajj hmang turin Muslim mtd. hnih vel Saudi Arabia-ah fuan khawm

0
484
views
File: Al Jazeera

Saudi Arabia ramah Muslim hun pawimawh, Hajj hmang turin Muslim mtd. hnih vel an fuan khawm mek a, hetih lai hian Mecca khawpuia hotel pakhatah kangmei a chhuak niin Saudi Civil defence service chuan a sawi. An thupuangtu, Nayef al-Sharif-a chuan, he kangmei chhuakah hian thi leh hliam erawh chu an awm lo niin a sawi a, Mecca khawpui, Azaziyah dist.-a hotel pakhat chhawng 8-naa boruak tihdaihna khawl-ah fel lo a awm avangin he kangmei hi a chhuak niin a sawi bawk. He hotel-a thleng, mi 600 vel chu insasengtir vek an nih hnuah hotel-ah hian an kir leh tawh a, hengte hi Turkey leh Yemen ram mi deuh vek niin an sawi. Hajj hmang tur hian khawvela Muslim tam tak chu Zawlnei Mohammed-a pianna khua leh khawvela hmun thianghlim bera an ngaih, Mecca-ah hian kum tin an fuan khawm thin a, Muslim-te chu an dam chhungin vawi khat tal, Haj hmanga Mecca tlawh tur hian beisei an ni a, a hun pui ber chu thla leh chawlhkar hmasa berah hian hman a ni dawn a ni.