Hapta liamta-a a chhunga chuang mi 13 te nena India airforce thlawhna pakhat An-32 Arunachal Pradesh-a chin hriat lova bo chu ramhnuai tlang pangah a keh them hmuh a ni a, thlawhna tlakna hmunah hian helicopter hmangin tlang lawnmite phurh luh an ni.

Ruang zawn hna hi ngawrh taka thawh nghal a ni a, thlawhna tla hi Mi-17 helicopter hmanga hmuh a ni a, tlang sang feet 12,000 velah he thlawhna hi a tla a ni. Thlawhna tlakna hmun hi tlang pang hmun rem lo lai a nih avangin helicopter a \um thei lo a, tlang lawn mite chu hrui hmanga thlak an ni a, Kayiang hmunah inkhuarin an zingah hian dam khaw chhuak an awm hlauha enkawltu tur Doctor te leh mithiam dangte pawh tirh an ni a, hemi rual hian Jorhat-a dawmawiin pakhat pawh lo inbuatsaih lawk tura tih a ni bawk.

Air force thlawhna An-32 hi June ni 3 khan chin hriat lovin a bo a, Assam Jorhat a\anga Arunachal Pradesh-a airforce \umhmun pakhat Mechuka pana thlawk a ni a, chawhnu dar 1 velah chin hriat lovin a bo a ni.