Haqqani-a’n Pakistan-ah sorkar aiin sipai thuneihna a sang zawk tih sawi chhuak

0
241
views

US-a Pakistan palai hlui, Hussain Haqqani chuan an ram inrelbawl dan chungchangah sorkar aiin sipai a chungnung zawk tih a sawi a, sorkar laipui-te neiin, Prime Minister-te pawh han thlang ve mahse, thutlukna pawimawh leh ruahmanna reng reng chu sipai hotute leh an intelligence pawl, ISI-te kutah a awm tih a sawi bawk. Haqqani hi Washington DC khawpuia Hudson Institute-ah Director for South and Central Asia ni lai a ni a, Delhi khawpui-ah a lehkhabu ziah tlangzarhna-ah he thu hi a sawi a, Pakistan dinhmun derthawng tak laka inthiarfihlim turin India a duhsak thu te a sawi bakah, Pakistan ram ding chhuak leh tur chuan a \henawm ramte sipai chakna ringawt el lo tur leh, a firfiaka che \hinte a thlauhthlak a ngai hle tih a sawi bawk a ni. Haqqani hi a thusawi leh a lehkhbu ziah avang hian Pakistan-in ram phatsantu-ah a puan mai mithiamte chuan an ring a, mahse Haqqani chuan ram phatsantu tia puan an ram sorkarin a ngah tawh em avangin awmzia a neih em em tawh loh thu leh dinhmun hlauhawma dinga a inngaih loh thute a sawi bawk a ni.