Harshita Dahiya thihna chhui mek, a makpa hlui ringhlel

0
464
views

Delhi nula zaithiam, Harshita Dahiya thah a nih dan chhui mekah, a laizawn pasal hluiin a that nia an hriat thu, police-ten an sawi. Puan tawh angin Harshita hi Thawhlehni tlai dar 4 vel khan Panipat a\anga Delhi a pan laiin kawng lakah mi pahnihin a car lo tidingin, vawi eng emaw zat, a chal leh hrawkah an kap a, a hmunah a thi nghal a ni. Delhi police-te chuan Harshita-i laizawn, Lata Dahiya chuan a pasal hlui, Dinesh Mathur chu he inthahnaa mawhphurtu ber nia an hriat thu an sawi a, Mathur hian Harshita leh a nu chu kum 2014 khan a lo pawngsual avang leh, Harshita nu hi a thah zui avangin thubuai a nei mek a, a thubuai hi ngaihtuah mek a nih thu leh Harshita hi thuhretu-ah a \an avangin, Mathur hian vawi tam tak, thahah a lo vau tawh tih an sawi bawk a, Mathur hian tualthat tur hian mi dang a ruai nia an hriat thu leh, car-a Harshita-i chuanpuite pawhin inhnamhnawihna an nei nia an hriat thu an sawi bawk a ni. Dinesh Mathur-a hi misual hnawksak tak a ni a, Delhi-a Tihar Jail-ah a tang mek a ni.