Himachal Pradesh Assembly inthlan November ni 9-ah neih a ni dawn: Election Commission

0
318
views

Himachal Pradesh Assembly thar dinna atana inthlan chu November ni 9 khian neih a ni dawn tih Election Commission-in a puang a, December ni 18-ah vote tlate chu chhiar a ni ang. Gujarat Assembly inthlan hun chu puan a ni ve lo na a, vote tlate chu December ni 18-ah bawk chhiar a ni dawn a ni. Congress party chuan Gujarat inthlan hun puan a nih ve loh chhan hi PM, Narendra Modi-a’n mipui tihlungawina hun tam zawk a neih theihnatur niin an sawi a, Chief Election Commissioner, AK Joti erawh chuan Gujarat inthlan hun hi a tlai hret dawn avangin, tuna puan ve nghal a nih chuan model code of conduct hman chhung a rei lutuk dawn nia sawiin, hmasawnna hnathawh pawh a tikhaihlak thei dawn niin a sawi. Chief Election Commissioner chuan, kum 2001-ah khan Law ministry leh Election Commission hian inremna siamin, inthlan hun puan leh hriattirna chhuah inkarah ni 21 aia tam a tla tur a ni lo, an lo ti tawh a sawi a, hemi awmzia chu model code of conduct hi ni 46 chhung hman tur tihna a ni a, a hmaa Gujarat leh Himachal Pradesh inthlan hun puan rual a nih khan, model code of conduct hi thla thum deuhthaw, ni 86 chhung lek kawh niin a sawi.