Himachal Pradesh Kasauli khua-a court thupeka thiah mek hotel pakhat endiktu sorkar hnathawk mi pakhat nimin khan kahhlum a ni a, Supreme Court a lungawilo hle

0
275
views

Himachal Pradesh Kasauli khua-a court thupeka \hiah mek hotel pakhat endiktu sorkar hnathawk mi pakhat nimin khan kahhlum a ni a, Supreme Court a lungawilo hle. Court thuneihna sang ber chuan he thil thleng hi a ngaih thutak thu leh naktuk a\anga thubuai ngaihtuah nghal a tum thu a sawi a, Court thupek bawhchhiat tum mi tam tak an awm chu \ha lo an tih thu roreltute’n an sawi bawk. He hotel \hiah lai hi Shimla khawpui bula awm a ni a, dan lova hotel leh resort sak, 13 Court-in \hiat tur a tih zing ami a ni a, a endiktu zing ami, Shail Bala chu hotel neitu pakhatin silaiin a kaphlum a, a ni bakah hian hnathawk dang pakhat pawh a hliam tih thuneitute chuan an sawi a, pawi khawihtu hi a tlanchhiat avangin police-te chuan a awmna chin hre thei te hnenah lawmman cheng nuai khat an tuk nghal bawk a ni. Sorkar aiawh-te hi police 160 velin an \awiawm laia hetiang thil a thleng chu SC chuan mak a tih thu leh an thiltih chiang taka an sawi a phut thu a sawi bawk a ni.