Hmeichhe naupang kum 8 mi, Uttar Pradesh-a inneihna hmuna a nu leh a pa te nena kal chu rawng taka pawngsual a nih hnuah a pawngsualtu hian a rekhlum zui

0
220
views

Hmeichhe naupang kum 8 mi, Uttar Pradesh-a inneihna hmuna a nu leh a pa te nena kal chu rawng taka pawngsual a nih hnuah a pawngsualtu hian a rekhlum zui. Kathua-a hmeichhe naupang pakhat pawngsual rawna thah a nih avanga rampum mipuite thinrimna a la reh hma leh an thinlung na pawh a la dam hmain he thil rapthlak tak hi a thleng a. Uttar Pradesh Etah khua inneihna hmuna kal hmeichhe naupang thattua puh kum 18 mi hi man nghal a ni a, hmeichhe naupang ruang bulah hian a ruih lutuk vanga che thei lovin a lo mu a ni. He thil thlen hunlai hi zing lam dar 1.30 vel, rimawi ring taka an tih rik lai a ni a, hmeichhe naupang nu leh pa te buai lai takin, tualthattua puh Sonu tia koh hian hmeichhe naupang hi a bul hnai in sak laiah hruai hrangin a pawngsual nia hriat a ni a, hemi hnu hian a rek hlum zui a ni. Hmeichhe naupang hi a bo tih an hriat veleh a nu leh pa leh inneihna-a telte hian an zawng nghal a, a ruang hi an hmu ta a ni. Pawngsualtua puh hi protection of Children from sexual Offences POCSO Act tlawh chhanin thubuai siamsak a ni.