Hmeichhe pakhat thah anih vanga mipui thinrim tam tak Mexico City ah an pungkhawm a, kum 25 mi Ingrid Escamilla hi a chenpui mipa pakhatin vit hlumin a ruang hi thuhruk tumin a chansawm zui a ni.

Forensic lam thiam ten a ruang an enfiahna thlalak \henkhat chu a putru a, tualchhung chanchinbu pakhat chuan thlalak hi a phek hmaah a ti lang a, mipuiin an sawisel nasa hle a ni. Mexico ah hian hmeichhiate chunga hleilenna a pung chak hle a, tun dinhmunah thubuai 700 chuang chhui mek a awm a, hmeichhiate tana hmalatu activist te erawh chuan a tak taka hmeichhia te chunga tharum thawhna thleng hi chhin chhiah zat aiin a tam hle tih an sawi.

Lungawi lohna lantira pungkhawmte hi a tam ber chu hmeichhia an ni a, chanchinbumi te chu rintlaka hna thawk tura an duh thu te, hmeichhia te chunga hleilenna thleng \hin chu an duh loh thu te an au chhuahpui a ni.