Hnam hnufual zawkte humhalhna dan, SC-ST Prevention of Atrocities Act chu engtikawng maha tih dal sorkarin a remti dawn lo tih Home Minister Rajnath Singh a’n a sawi

Rajya Sabha rorel inkhawm, zawhna leh chhanna hunah he thu hi a sawi a, Home Minister chuan NDA sorkar in kum 2015 khan he dan hi khauh zawk leh awmze nei zawka kalpui anih theihna turin a lo siam\ha tawh zawk a ni a ti a, thubuai rang taka chinfel anih theihna turin sorkar chuan Special Court State tinah a din a, tun dinhmunah special court hi ram chhung hmun hrang hrang 194 ah din a ni tawh a ni a ti. Zawhna dang chhangin, Minister of State for Home Hansraj Ahir chuan SC leh ST te laka pawikhawihna hi a pung lo tih National Crime Records Bureau record a\angin a lang tih a sawi a, sorkar chuan SC leh ST te laka tharum thawhna veng turin theihtawp a chhuah a ni a ti.