ANI in a kawmnaah Aslam Sher Khan hian Rahul Gandhi hnenah hian lehkha a thawn thu sawiin, Nehru-Gandhi chhungkaw pawn lam mi president atana dah a remti anih chuan amah pawh kum 2 chhung president ni tura a inhuam thu a hrilh tih a sawi a, hetihrual hian Rahul Gandhi hian President hna chelh chhunzawm a la inhuam chuan \ha a tih thu pawh a hrilh tel tih a sawi.
May ni 25-a New Delhi-a Congress Working Committee \hutkhawmah Rahul Gandhi-a’n inhnuhdawh a remtih thu a puan hnuah Aslam Sher Khan hi party hruaitute zinga president hna chelh a inhuam thu sawi chhuak hmasa ber a ni a, CWC hian Rahul Gandhi-a’n ban a tumna hi hnawlin party kaihruaia a \ul anga siam\hat hna thawk turin thuneihna an pe chhunzawm a ni.
Hetianga lehkha a thawn chhan hi a mimal ham\hatna tur lam ni lovin, party tih chak tumna zawk a ni tih Aslam Sher Khan hian a sawi a, hemi rual hian Lok Sabha inthlana an chak loh chhanah Rahul Gandhi chu a mawhpuh lo tih a sawi thung.
