Annual budget Hong Kong dollar 10,000 chu kum 18 chin chunglam, mi maktaduai 7 te hnenah sem a ni dawn tih sorkar chuan a puang a, hei hi coronavirus vanga sum leh pai dinhmun dehchhuah kawnga mipuite harsatna tawh phuhrukna tur a ni.
Hong Kong-ah hian mi 81-in Covid-19 an kai tawh a, mi 2 an thi tawh a ni.
Financial Secretary Paul Chan chuan Hong Kong sum dinhmun chu nasa takin a danglam tih sawiin, ngaihtuahna fim tak hman a nih hnuah Hong Kong mi hlun, kum 18 chin chunglamten ei leh bar leh nitin khawsakna mamawh te an inphuhruk theih nan sum sem chu an tithlu ta niin a sawi.
Hong Kong thuneitute chuan in luah man tihtlawm a tum bakah bungraw \henkhata chhiah a lak te pawh paih \hen a tum bawk.
