Tun hnaia Parliament in a pass tak, General Category-a awm si, mirethei zual te tana seat hauhsakna tur a taka kalpui anih dawn tak avang leh hei hian SC, ST leh OBC te tana seat hauhsak zat a sut buai lohna turin Zirna in sanga seat awm zat hi tihpun a ni dawn a. University Grants Commission leh All India Council for Technical Education (AICTE) hotute nen an inkawm hnuah Minister chuan he ruahmanna thar hi a puang a ni.
HRD Ministry chuan Economically Weaker Section tia sawite tana seat hauhsakna hian SC, ST leh OBC te quota chu a khawih danglam dawn lo a, Central sorkar hnuaia zirna in sang te chuan an seat awm zat an tipung dawn tih a sawi. HRD Minister Javadekar chuan EWS chu kum khata cheng nuai 8 lalut phak lo chhungkuate an ni tih a sawi.
