Hungary Inthlanpuiah Prime Minister nilai Viktor Orban hneh taka thlan tlin nawn leh a ni

0
307
views

Hungary Inthlanpui nimina neihah Prime Minister nilai Viktor Orban hneh taka thlan tlin nawn leh a ni. Kum 54 mi Viktor Orban hian Prime Minister hna hi a term thumna atan a chelh leh dawn ta a, a party Fidesz hian Parliament seat zawm zawng hmun 3 a \hena hmun 2 a la a ni. Fidesz hian vote awm zawng zawng zatve zet an chang a ni. Orban hi European Union chak chho zel tur duh lotu te zinga mi a ni a, amah thlawptute hmaah nizan khan thu sawiin, hnehna a chang chu Hungrary mipuite mahni an inven theihna tur leh Hungary himna tur a ni a ti. Hungary inthlanpuiah hian Jobbik Pary chuan vote zaa 20 vel changin pahnihna an ni a, Socialist ten zaa 12 hmuin pathumna an ni a, Green Party chuan zaa 7 changin palina an ni.