Hurricane Harvey vangin mi 3 thi tawh

0
471
views

Kar kalta Zirtawpni-a thlipui na tak, Hurricane Harvey-in US chhim lam vaukam a nuai hnuah mi 3 an thi tawh a, National Weather Service chuan nimin khan Hurricane Harvey vanga chhiatna thleng chu an rin phak bak a nih thu leh America ramin a la tawn ngai loh thil a nih thu an sawi. US President Donald Trump-a chuan Maryland-a a chenna in, Camp David atangin Texas leh a chhehvela chhanchhuah hna thawh mek chu a vil reng niin a sawi a, Trump-a hian kar lehah Texas hi a tlawh dawn ni a hriat a ni. Puan tawh angin, he thlipui hi darkar khata km. 215 vela chakin a thawk a, in leh lo bakah thil tam tak a tichhia a, ruah a sur nasat avangin Texas-a Houston khawpuiah phei chuan tui a lian a, hei hian mipuite tan harsatna namen lo a thlen mek a, thlipui leh tui lian vang hian kawlphetha pekna pawh a chhia a ni. Hurricane Harvey vang hian Houston-ah ruah a sur belh rin a ni a, sorkar thuneitute chuan khawpui chhim thlang lam atanga km 55 a hla, Fort Bend County-a cheng, mi 50,000 chuang insawn chhuak turin an hriattir tawh a ni.