Kum 30-a upa Brendt Christenden hian Yingying Zhang chu university campus a\angin kum 2017 June thla khan a rubova, hemi hnu hian baseball bat-in a vuhlum a, a lu a tan zui a ni.
A taksa bung dang erawh hmuh tur a awm lo thung.
Chicago-a Peoria-ah inthahna thubuai hi kar 5 chhung ngaihtuah a ni a, Yingying chhungte pawh an tel ve a ni.
US District Judge James Shadid chuan Christensen chet dan chu sawifiah theih loh khawpa rapthlak a ni a ti a, a chhungte chuan Yingyang ruang chu engtikah mah an hmuh chhuah a rin loh thu a sawi bawk.
Yingyang pa Ronggao Zhang chuan a fanu ruang an hmuh hma chu thlamuang takin an awm thei dawn lo tih sawiin, Christensen chu a thinlungah ngilneihna engemaw tal a la awm chuan an chhungkaw hrehawm tawrhna tihtawpa a awm theih nan ruang a dahna chu hrilh turin Christensen chu a ngen a, amaherawhchu, Christenden chu vawikhatmah a \awng chhuak lo a ni.
