Shahid chuan India chu an mamawh huna pui \hintu anih avangin an ngaih pawimawh thu leh an sorkar hmasa vangin an inkar chu chhe tawh mahse tuna sorkar thar chuan siam \hat leh a duh thu a sawi a, ram pahnih inkar siam \hat tum hian an President thar, Ibrahim Mohamed Solih pawhin thla thar ni 17 hian India tlawh a tum thu a sawi bawk a ni. Shahid sawi dan chuan Maldives sorkar hian an sorkar hmasa leh China \angkawpin man sâng taka bul an lo \an tawh ruahmanna te leh leiba dangte an chhut mek a, Shahid-a ruala lo zin ve, Maldives Finance Minister Ibrahim Ameer chuan a ruk a rala thiltih tam tak a awm avangin chhut nghal vek a harsat thu a sawi bawk a ni. Shahid chuan an sorkar hmasa ang em emin China awn lo mahse, China lamin ram dang insumdawnpuina atana ruahmanna a siam, Belt and Road Initiative chu kalpui chhunzawm zel an tum thu leh sum sen ngai zat tih tlem dan an zawn zawk tur thu leh India lam nena an insumdawn tawnna huang zauh zel an tum thu a sawi bawk a ni.
