India-a cham mek South Korea President Moon Jae-in lawmna inkhawm Rashtrapati Bhavan-ah buatsaih a ni

0
485
views

Moon hi a nupui, Kim Jung-sook-in a \awiawm a, President Ram Nath Kovind-a’n a lo mikhual a ni. Inkhawm zawh hnu hian Moon hian PM Narendra Modi a hmu nghal a, ram pahnih thawhdunna chungchang an sawi dun a ni. Ram pahnih hruaitute inbiakna nemnghet tur hian Union Minister of Science and Technology, Dr Harshvardhan leh South Korean Minister for Science and ICT, You Young-Min te chuan thuthlung an ziak nghal a, hei lo pawh hi thawhdunn thuthlung dang, 6 ziah a ni bawk. Ram pahnih hruaitute hian thawh\anni lam pawh khan Noida-ah Samsung hmunpui an lo hawng dun tawh a, Pu Modi chuan a kaihhruai sorkar thupui pakhat, ‘Make In India’ tihlawhtlingtute zingah South Korea chu chhiar tel ngei ngei tura a ngaih thu leh an thawhdunna vanga ramchhunga hnathawh tur tam tak a awm belh chu lawmawm a tih thu te a sawi bawk a ni.