Travel agent te chuan heng mi pathum te hian cheng nuai 20.96 hu hmangin an bum tih police te an hrilh a ni. Azharuddin chuan an puhna chu chhan mumal nei lo a ni a ti a, a laka complaint an thehluh chu dan anga a khin let tur thu a sawi.
Aurangabad-a Danish Tours and Travels agency neitu Shahab chuan international flight ticket hrang hrang cheng nuai 20.96 hu chu Azhruddin atan book a nih thu sawiin, midang pahnih te pawh hian nikum November thla khan Azhruddin-a personal assistant Mujib Khan-a ngenna angin ticket an book niin a sawi bawk.
Shahab-a sawi danin Azhuruddin hian online-in ticket man chu pek a tiam a, cheng nuai 10.6 an pe tawh anga a sawi chu a dawn loh thu sawiin Nilaini khan Aurangabad-a City Chowk Police station-ah thubuai a ziak lut a ni.
